Español(Spanish Formal International)Nederlands (NL-nl)Papiamentu (Curacao)English (United Kingdom)

Bureau for Intellectual Property

ISBN

ISBN: identifikashon úniko di buki


Kiko ta ISBN?
ISBN, ke men International Standard Book Number, ta un number internashonal pa registrá buki. Ku e number aki por distinguí buki for di otro i por dedusí for di  ki parti di mundu e buki ta bini.
E ISBN ta konta pa buki – ku ta e meta pa kua a krea e sistema originalmente – pero, a base di ekstenshon por us’é pa kualke artíkulo ku kasnan editorial produsí òf bibliotekanan ta  kolektá.
For di 2007, komo resultado di introdukshon di e sistema nobo, un ISBN ta konsistí di diestres dígito (ISBN-13).

Ki ora ku imprimí kualke “International Standard Book Number” (ISBN), e mester tin e lèternan ISBN na kuminsamentu.

E number di diestres dígito ta partí den sinku parti di largura variá:

Parti number 1. Dilanti na e aktual ISBN-13 ta pone e prefiho “978”

Parti number 2. Identifikadó di Grupo
E parti aki ta identifiká agrupashon di kasnan editorial segun nashonalidat, situashon geográfiko òf otro faktor similar.

Parti number 3. Identifkadó di Kas Editorial
E parti aki ta identifiká un kas editorial spesífiko dentro di un grupo.

Parti number 4. Identifikadó di Título
E parti aki ta identifiká un título òf edishon spesífiko di un título ku un kas editorial spesífiko a publiká.

Parti number 5. Dígito di Kontròl
Esaki ta un dígito úniko na final di e ISBN ku ta chèk outomátikamente si e ISBN ta korekto.

Kobertura di e ISBN
Buki i otro kos ku por haña un number den kuadro di e sistema di ISBN ta inkluí:

  • Buki i panfleta imprimí,
  • Publikashon di medio miksto,
  • Otro medio similar, inkluso pelíkula/video i diapositivo,
  • Buki riba kasèt òf CD òf DVD (buki ku ta papia)
  • Publikshon ku e editor no a intenshoná pa aktualisashon regular i kontinuo riba un base indefiní
  • Publikashon elektróniko manera: Tape ku mashin por lesa (trahá pa produsí printout ku por lesa), CD ROM, etc.
  • Publikashon den forma mikro,
  • Publikashon den Braille
  • Mapa
  • Software edukashonal òf instruktivo

Kon solisitá pa un ISBN
Solamente solisitante ku tin intenshon di publiká nan buki na Kòrsou, San Martin òf na Aruba promé, por solisitá pa un ISBN. Solisitantenan mester yena un formulario ku tur informashon di e outor i e buki. Mester duna un deskripshon kòrtiku di e título di e buki, i tambe kategoria di e buki. Despues ku a yena e formulario, loke ta inkluí e firma riba dje tambe, e outor ta risibí un ISBN.
Klik aki  pa download un formularia di petishon pa un ISBN.

General
E mesun kas editorial mester asigná un ISBN separá pa kada edishon diferente di un buki, pero NO pa un edishon sin kambio òf un reimprenta sin kambio di e mesun buki den mesun formato. Kambio di preis no ta kousa nesesidat di un ISBN nobo.

Publikashon di página lòs
Si saka un publikashon den forma di página lòs, ta asigná un ISBN pa identifiká un edishon na un sierto momento. Edishon individual komo adishon òf remplaso tambe ta haña un ISBN.

Klik aki pa tuma kontakto ku nos.